Nəqliyyat vasitələrinin utilizasiyası fondu
Nəqliyyat vasitələrinin utilizasiyası fondu Azərbaycan Respubliasının Prezidentinin 2024-cü il 27 yanvar tarixli 4279 nömrəli Sərəncamı ilə yaradılmışdır;
Fond dövlət büdcəsinin tərkibində yaradılmış məqsədli büdcə fondudur və aşağıdakı mənbələr hesabına formalaşır:
- utilizasiya haqqı;
- kreditlər və qrantlar;
- hüquqi və fiziki şəxslərin könüllü ianələri;
- beynəlxalq təşkilatların və digər donorların ayırmaları;
- qanunla qadağan olunmayan digər mənbələr.
Fondun vəsaitləri aşağıdakı məqsədlər üçün istifadə oluna bilər:
- nəqliyyat vasitələrini utilizasiyaya vermiş şəxslərə birdəfəlik ödənişlərin ödənilməsi;
- yeni istehsal olunmuş yerli nəqliyyat vasitələri təsdiqedici sənəd əsasında satıcılar tərəfindən güzəştlə satıldıqda həmin endirim məbləğinin satıcılara geri ödənilməsi;
- nəqliyyat vasitələrinin utilizasiyası ilə bağlı qanunla nəzərdə tutulmuş funksiyaların icrasının təşkili və təmin edilməsi.