Mingəçevir Dövlət Universitetinin müəllim və tələbə heyətinin təsərrüfat sahələrinə məlumat turu baş tutub
15/05/2024 12:11
Mingəçevir Dövlət Universitetinin tələbə və müəllim heyəti üçün “Təmiz Şəhər” ASC-nin təsərrüfat sahələrinə məlumat turu təşkil edilib. Tur iştirakçılarına tullantıların ətraf mühitə təsiri və təkrar emal imkanları ilə bağlı ətraflı məlumat verilib. Balaxanı Sənaye Parkında, Bakı bərk məişət tullantılarının yandırılması zavodu və Balaxanı bərk məişət tullantılarının çeşidlənməsi zavodunda olan qonaqlar tullantıların zərərsizləşdirilməsi, eləcə də təkrar emal prosesini əyani şəkildə izləyiblər. Tur iştirakçılarına Cəmiyyətin fəaliyyətini əks etdirən məlumatlandırıcı bukletlər paylanıb və onları maraqlandıran suallar ətrafənda fikir mübadiləsi aparılıb.
